Molao wa Setlwadi:
Tsela ya go ya Pele
Matseno
Molao wa Setlwaedi o diragaditšwe gore o angwe ke sephetho sa Bhe, seo se fetotšego tsela yeo bohwa bja bahu bo ka abjago ka yona. Gape se fetotše tsela yeo Kgoro ya Toka le Tlhabollo ya Molaotheo di ka hlokomelago taolo ya bohwa bja bahu ka yona.
Mola a sa phela, mohu o be a dula le mohumagadi Bhe le o tee wa barwedi ba gagwe ba babedi Khayelitsha. Go be go na le pelaelo ya gore mohumagadi Bhe le mohu ba be ba nyalane goba aowa. Morwedi wa bona wa bobedi o be a dula le rrago mohu ka Berlin go la Eastern Cape.
Mohu o hlokofetše a se na le Testamente, gomme bohwa bja gagwe bo ile bja aroganywa go ya ka mareo a molao wa setlwaedi. Se se šupa gore rrago mohu o tla abelwa bohwa go sa akarešwe mohumagadi Bhe le barwedi ba gagwe ba ba bedi.
Bohwa bo be hlophilwe ka mošašana le thoto yeo e šomišetšwego go aga mošasana. Rragwe o be a nyaka go rekiša thoto gore a lefe poloko ya morwagwe. Ge a ka be a tšwetše pele, mohumagadi Bhe le bana ba gagwe nkabe ba ile ba hlaetšwa. Mohumagadi Bhe o dirišitše kgorotsheko go bega gore barwedi ba gagwe ba ba bedi ke bona fela e lego bajabohwa ba monna wa gagwe.
Kgorotsheko ya Molaotheo e akantše gore molao wa setlwaedi wa tlhatlamano o gapeleditšwe ke karolo ya 23 ya Molao wa Taolo ya Babaso, e bile ga wa dumelelwa go godišwa go kopana le diphetogo mo mokgatlong wo o lebanego ke go o direla. Ka gona o eme le go se sa kgona go kgwatha bonnete bja toropofatšo le go fetola boleloko bja lešika. Ka mabaka a wona a bjale ga go molaotheong ka ge o kgetholla ka baka la bong le matswalo.
SEPHETHO SA BHE SE FETOTŠE BJANG TSELA YEO BOHWA BO SWANETŠEGO GO KA ABJA KA GONA?
Bohwa bja bahu ka moka bo tla abja go lebeletšwe go ya ka Molao wa Tlhatlamano Ntle le Testamente. Se se šupa gore bajalefa ka tatelano ya tlhaolo ke:
Mogatša mohu
Leloko la mohu
Batswadi ba mohu (ge fela mohu a hlokofetše a se na le mogatšagwe yo a phelago goba leloko)
Melokwana ya mohu (ge fela o tee goba batswadi kamoka ba hlokofetše pele)
Molao wa Tlhatlamano Ntle le Teastamente o swanetšwe go balwa ka tsela yeo e lego gore o ka fa ditsheko malao mowe elego gore mohu ke monna mo lenyalong la setlwaedi le la segadikane:
Ge mohu a tlogetše bagatša ba gagwe le leloko fela, bagatša ba tla abelwa bohwa ka dikarolo tša go lekana.
Ge mohu a tlogetše bagatša le leloko, bagatša le leloko ba tla abelwa bohwa ka dikarolo tša go lekana eupša
Mosadi yo mongwe le yo mongwe o swanetše ke go abelwa bohwa bja bonnyane bja R 125 000
Ge bohwa e se bjo bogolo go lekana go dumelela mosadi yo mongwe le yo mongwe go abelwa R 125 000, bagatša ba tla abelwa bohwa ka dikarolo tša golekana mola ele gore leloko le ka se amogele selo.
SEPHETHO SA BHE SE FETOLA BJANG TSELA YEO TAOLO YA BOHWA E KA HLOKOMELWAGO KA GONA
Ka morago ga sephetho sa Bhe bohwa bja mohu bo tla laolwa go lebeletšwe Molao wa Taolo ya Bohwa. Molao wa 66 wa 1965 bjale ka ge o fetotšwe . Se se akaretša diphetogo tše latelago go tirišo ya bjale:
Maseterata a ka se sa hlokomela le go sepidiša bohwa bja mohu; ke morena wa kgorokgolo ya tsheko fela yo a ka dirago bjale.
Morena wa kgorokgolo ya tsheko ga ana ga a fiwa maatla a go laola bohwa legatong la bajabohwa. Morena o tla kgetha motho wa maleba go sepEdiša bohwa.
NA E KA BA MOLAO WA SETLWAEDI WA TLHATLAMANO O FEDIŠETŠWE?
Aowa:
Ge go logwa maano a bohwa bja gagwe, ka go lelengwe motho a ka beakanya gore bohwa bo ka abja go lebeletšwe molao wa setlwaedi. Se se ka dirwa ka mokgwa wa go ngwala testamente.
Morena wa kgorokgolo ya tsheko o gapeletšwa ke molaotheo go netefatša tšwelopele ya molao wa setlwaedi. Se se swanetšwe go dirwa ka mokgwa wa go dumelela ba lapa la mohu go kwana ka tsela yeo bohwa bo ka abjago ka yona. Morena wa kgorokgolo ya tsheko a ka se, fela, dumelele dihlopha tša bao ba sa kgonego go iphemela go swana le basadi le bana ba šomišwa bošaedi e le ka baka la kwano ya leloko.
KAKARETŠO
Sephetho sa Bhe sa motheo se fetotše tsela yeo bohwa bja mohu bo ka laolwago go lebeletšwe Molao wa Taolo ya Bohwa Molao 66 wa 1965 bjale ka ge o fetotšwe le go abja go lebeletšwe molao wa tlhatlamano ntle le testamente A81 wa 1987
Go bohlokwa gore moAfrika Borwa yo mongwe le yo mongwe a lemošwe ka diphetogo tše, gore ba leke go loga maano a bohwa bja bona ka mokgwa wa maleba.
Morenamogolo wa kgorokgolo ya tsheko o hlomile mogala wa thušo mo e le go gore tshedimošo e tla humanwa.
NOMORO KE 012 315 1880
